काठमाडौं तालिम केन्द्रद्वारा संचालित व्यवसायिक प्रशिक्षक प्रशिक्षण तालिम सम्पन्न
नारीकोसिस डटकम/असार ८, काठमाडौं । काठमाडौं तालिम केन्द्रद्वारा विभिन्न क्षेत्रका प्रशिक्षकहरुलाई दिएको ७ दिने प्रशिक्षक प्रशिक्षण तालिम सम्पन्न भएको छ । केन्द्रले व्यवसायिक प्रशिक्षक उत्पादन गर्ने उद्धेश्यले दिएको उक्त तालिम कोटेश्वरमा आफ्नै तालिम केन्द्रको सभाहलमा सम्पन्न भएको हो ।
सो तालिम असार १ देखि ७ गते सम्म संचालन गरिएको थियो । सिटिईभिटिबाट मान्यता प्राप्त काठमाडौं तालिम केन्द्र बिगत १७ बर्ष देखि व्यवसायिक रुपमा तालिम दिदै आएको छ ।
तालिममा बिभिन्न पेशा व्यवसायसँग संबन्धीत प्रेम बहादूर गिरी , महालक्ष्मी आचार्य, सविता बस्नेत,सन्दिप अधिकारी, निर्मला सापकोटा सन्जेल, रुपा भट्ट ,जीना श्रेष्ठ, रिना मल्ल, रन्जिता सिंह, र लगायतको सहभागिता रहेको थियो ।
सहभागी प्रशिक्षकहरुलाई सोही तालिम केन्द्रका तालिम संयोजक पदमा शाक्य र प्रशिक्षक सूजा राईले सो तालिमको सहजीकरण गर्नूभएको थियो ।
तालिम केन्द्रका कार्यकारी निर्देशक राजबहादूर गिरीका अनुसार यस केन्द्रले सामाजिक परिचालन, नेतृत्व विकास, व्यवसायिक योजना निर्माण, प्रस्ताव लेखन, सकारात्मक सोच, ३५ दिने ग्रामिण पशूस्वास्थ्य कार्यकर्ता लगायत विविध बिषयहरुमा तालिम संचालन गर्दै आईरहेको छ ।
तपाईको प्रतिक्रिया