महोत्तरीमा डकैतीः दुई ठाउँमा गरी १५ लाख लुटियो

नारीकोसिस डटकम/असार १९, जनकपुर । महोत्तरीको बर्दिवास नगरपालिकाको प्रेमनगरमा गएराती दुई ठाउँमा गरी १५ लाख डकैती गर्ने एक जना पक्राउ परेका छन् । बुधबार राती करिब एक दर्जनको समूहमा रहेका डाकाले बर्दिवास वडा नम्बर ६ र ७ बाट सुनचादी र नगद रुपैयाँसहित करिब १५ लाख बराबरको धनमाल डकैती गरी जाने क्रममा एक जना डाका पक्राउ परेका हुन् ।

बर्दिबास नगरपालिका ७ बस्ने रामसुनर महतो र वडा नम्बर ६ बस्ने चन्देश्वर महतोको घरमा डकैती भएको थियो ।

डाकाहरुमध्ये एक जनालाई तत्कालै स्थानीयले पक्राउ गरेर प्रहरीलाई जिम्मा लगाएको जिल्ला प्रहरी कार्यालय महोत्तरीका डीएसपी माधव प्रसाद बुढाथोकीले जानकारी दिनुभयो ।

डीएसपी बुढाथोकीका अनुसार सर्लाही चन्द्रपुर नगरपालिका घर भएका ४० वर्षीय देवनरायण कापड पक्राउ परेको र स्थानीयको कुटाइबाट उनी गम्भीर घाइते भएका छन्

डाका कापडको साथबाट एक थान पेस्तोल समेत बरामद भएको प्रहरीले जनाएको छ । स्थानीयले बरामद गरेको पेस्तोलसहित डाकालाई प्रहरीको जिम्मा लगाइएको घाइते डाकाको बर्दिबासस्थित शुभस्वस्तिक अस्पतालमा उपचार प्रहरीले जनाएको छ।

त्यस्तै डाकाहरुको कुटपिटबाट घरधनी समेत घाईते भएका छन् । पीडित परिवारका ५ जना घाइते भएका छन् ।