बाढीले गलेश्वर बेलिब्रिज जोखिममा
नारीकोसिस डटकम/असार २४, म्याग्दी । राहुघाट खोलामा बाढी आएपछि बेनी जोमसोम कोरला सडकको गलेश्वरस्थित बेलीब्रिज भत्कने जोखिममा छ । राहुघाट खोलामा बाढीको धार गलेश्वरपट्टी सोझिएर कटान थालेपछि बेलीब्रिज जोखिममा परेको हो ।
बेनी जोमसोम कोरला सडक आयोजना अर्न्तगत रहुघाट नदीमाथी निर्माणाधिन पक्की पुलको फाउण्डेसन निर्माण ढिलाईहुँदा गलेश्वर बस्ती समेत बेलीब्रिज जोखिममा परेको हो ।
फाउण्डेसन राख्न पुरानो तटवन्ध भत्काएको र नयाँ नराखिएकोले आइतबार राति राहुघाट खोलामा आएको बाढीले कटान थालेको हो । पुलको ठेक्का लिएको शर्मा/युनाइटेड विल्डर्स जे/भी काठमाडौंले पुलको फाउण्डेसन निर्माणमा ढिलाई तथा लापरबाही गरेको छ ।
गलेश्वरको बस्ती र पुल जोगाउन तत्काल तटबन्ध गर्नुपर्ने स्थानीयवासीले माग गरेका छन् । तत्काल नदी कटान नरोक्ने हो भने पुल भत्केर मुस्ताङलगायत उत्तरी म्याग्दीको यातायात सम्पर्क ठप्प हुन्छ ।
तपाईको प्रतिक्रिया