‘टोखा–छहरे’ सडकखण्ड निर्माण कार्यलाई छिटो पूर्णता दिन सम्वन्धित निकायलाई सामूहिक निर्देशन

नारीकोसिस डटकम/असार २४, काठमाडौं । काठमाडौं टोखा हुँदै नुवाकोट छहरे जाने ‘टोखा–छहरे’ अवरुद्व सडक यथासक्य निर्माण गरि आवातजवत गर्ने वातावरण तयार गर्न नुवाकोटका संघिय  सांसद, प्रदेश सांसद, स्थानीय जनप्रतिनिधिले ठेकेदार कम्पनीलाई सामूहिक निर्देशन दिएका छन् ।

मंगलवार स्थलगत रुपमै संघिय सांसद एवं पुर्व मन्त्री हित बहादुर तामाङको नेतृत्वमा संघिय सांसद नारायण प्रसाद  खतिवडा, प्रदेश सांसद बद्री मैनालि, पन्चकन्या गापा अध्यक्ष तेज वहादुर तामाङ, तारकेश्वर नगरपालिकका मेयर रामेश्वर बोहरा र सडक बिभागका प्रमुख कैलाशमान श्रेष्ठविच सामूहिक छलफल गरी सो सडक निर्माण कार्यलाई तिव्र गति  दिन सम्वन्धित निकायलाई  सामूहिक निर्देशन दिएका हुन् ।

सो छलफलमा नेकपा नेताहरु पुष्प लामिछाने, रामप्रसाद ढुंगाना, केपि लामिछाने, मिन बहादुर तामाङ, जितेन्द्र बिष्ट, लाल बहादुर तामाङ, बिजय खनाल, बिर बहादुर तामाङ लगाएत अन्य नेताकार्यकर्ताहरु, वडा अध्यक्ष श्रीकृष्ण अधिकारि लगाएत स्थानिय वासिहरुको उपस्थित रहेको थियो

पुर्व मन्त्री  तामाङले सडक बिभाग, ठेकेदार कम्पनि सहित सम्बन्धित पक्षलाई जतिसक्दो चाडो आम जनताले सहज रुपमा यातायात सेवा उपभोग गर्न पाउनुप¥यो भन्दै बाटो निरन्तर संचालन गर्न छिटो , छरितो र गुणस्तरीय रुपमा  निर्माणकार्यलाई अगाडि बढाउन निर्देशन दिनुभयो ।साथै उहाँले सो कामलाई अगाडि बढाउन जनस्तरवाट गर्नुपर्ने  सहजीकरणको लागि आफूहरु तयार रहेको  बताउनुभयो ।

त्यसैगरी संघिय सांसद नारायण प्रसाद खतिवडा र प्रदेश सांसद बद्री मैनालीले पनि तत्काल सहज रुपमा बाटो निरन्तर संचालन गराउन थप निर्देशन दिनु भयो।

सडक विभागका प्रमुख कैलाशमान श्रेष्ठले तत्काल बाटो बनाउने प्रतिबद्वता व्यक्त गर्नुभएको छ । साथै उहाँले ३/४ वटा स्काभेटर राखेर निरन्तर काम सुचारु गराउने र गाडिको लिग–लिगमा ढुंगा सोलिङ राखेर कम्तिमा बर्षातको समयमा यायायात सेवा तथा आवातजवात गर्न सहज बनाउने थप प्रतिवद्वता व्यक्त गर्नुभयो ।

वर्षेनी रुपमा वर्षातको समयमा हिलम्वे र हिउँदको समयमा धुलम्वे हुने सो सडक खण्ड अव आगामी दिनहरुमा जनताले सास्ती खेप्न नपरोस् भनेर यसपटक सम्बन्धित निकाय र सरोकारवालविच वृहत्त छलफल गरी सामूहिक रुपमा सम्विन्धित निकायको ध्यानाकर्षण गराएको संघिय सांसद एवं पुर्व मन्त्री हित बहादुर तामाङले जानकारी दिनुभयो ।

‘टोखा छहरे’ सडक खण्ड सम्बन्धित निकायले निर्माण कार्यलाई गति दिन नसक्दा स्थनीय जनता तथा नुवाकोटका जनताले प्रत्यक्ष सास्ती खेपिरहेका छन् ।

उक्त मार्ग आवतजावत गर्ने नुवाकोट जिल्लाको छोटो सडक हो ।