काठमाण्डौं तालिम केन्द्रको १७ औं वार्षिक उत्सव कार्यक्रम सम्पन्न (भिडियोसहित)

नारीकोसिस डटकम/साउन ८, काठमाण्डौं । समुदाय सशक्तिकरणका लागि सामाजिक परिचालन भन्ने मूल नारासहित काठमाडौं तालिम केन्द्रले आफ्नो १७ औं वार्षिक उत्सव मनाएको छ ।
मंगलवार काठमाण्डौंको रोयल ब्यान्क्वीट एण्ड रेष्टुरेन्ट, तिनकुनेमा एक औपचारिक कार्यक्रम तथा विभिन्न साँस्कृतिक कार्यक्रम आयोजना गरी मनाएको हो ।
सो कार्यक्रममा कानुन, न्याय तथा संसदिय मामिला मन्त्री भानुभक्त ढकाल प्रमुख अतिथिको रुपमा उपस्थित हुनुहुन्थ्यो भने विभिन्न राजनीतिक दलका नेता तथा सामाजिक संघसंस्थाका प्रतिनिधिहरु अतिथिको रुपमा उपस्थिति थिए ।
कार्यक्रमलाई सम्बोधन गर्दै कार्यत्रमका प्रमुख अतिथि तथा कानुन मन्त्री ढकालले केन्द्रले १६ औं वर्ष पूरा गरी १७ औं वर्षमा प्रवेश गर्न सफल भएकोमा वधाई तथा शुभकामना व्यक्त गर्दै व्यवस्थित रुपमा अहिलेसम्म १७ वटा व्याज पार गरीसकेको र ती उत्पादित जनशक्तिहरुलाई संगठित रुपमा एकतावद्ध ढंगलले अगाडि बढाउन समेत केन्द्रलाई आग्रह गर्नुभएको छ । केन्द्रले उत्पादन गरेको जनशक्तिहरु कहाँ के गर्दै छन् भन्ने विषयमा खोजीनिधि गरी अगाडि बढेमा आगामि दिनहरुमा यसले गति लिन सक्ने उहाँको सुझाव थियो । साथै उहाँले केन्द्रले भोगीरहेको कानुनी प्राविधिक समस्याहरुको समस्या समाधान गर्न सरकार त्यस विषयमा सहकार्य गर्न तयार रहेको बताउनुभयो ।
तालिम केन्द्रका कार्यकारी निर्देशक राजवहादुर गिरीले सो केन्द्र स्थापना गर्दा आफूहरुले कुशल राजनीतिक लिडरशिप, सामाजिक परिचालक तथा उद्धमशील बनाउने उद्देश्यका साथ अगाडि बढाइएको केन्द्र हाल यो केन्द्रले त्यो लक्ष्य पूरा गर्न सफल भएको बताउनुभयो ।
सामाजिक परिचालक भनेको राज्यलाई अत्यन्त आवश्यक रहेको बताउदै आफ्नै स्थानीय स्रोत साधन तथा देशमा उत्पादित जनशक्तिलाई परिचालन गर्ने हो भने देशविकास हुन धेरै समय नलाग्ने पनि उहाँको भनाई थियो ।
सो कार्यक्रमको अवसरमा केन्द्रले विभिन्न संघसंस्थाका १० जना प्रतिनिधिहरुलाई सम्मान गरेका थिए । तालिम केन्द्रलाई प्रत्यक्षा वा अप्रत्यक्ष रुपमा महत्वपूर्ण योगदान पु¥याएको भन्दै विभिन्न क्षेत्रमा कार्यरत व्यक्तित्वहरुलाई सम्मानपत्रले सम्मान गरिएको हो ।
यसै गरी १७ वर्षदेखि काठमाडौंको वालकुमारी पुलकिनारामा जुत्ता मर्मत गर्दै आउनुभएका सन्जयरामलाई छाता प्रदान गरी उहाँको कामलाई उच्च सम्मान स्वरुप सम्मान गरिएको थियो ।
यस काठमाडौं तालिम केन्द्रले विगत १७ वर्ष देखि प्राविधिक शिक्षा तथा व्यवसायिक तालिम परिषद् सिटिभिटि बाट सम्बन्ध प्राप्त गरी सामाजिक परिचालन तालिम सञ्चालन गर्दै आईरहेको छ ।
तपाईको प्रतिक्रिया