राहत नपाएपछि बाढी पीडितद्धारा नगरपालिकामा प्रदर्शन
नारीकोसिस डटकम/साउन १०, रौतहट । बाढीले घरबार बिहीन भएर भोकभोकै बस्नु पर्दा पनि जनप्रतिनिधिले कुनै वास्ता नगरेको भन्दै स्थानीयले राजदेवि नगरपालिकाको कार्यालय घेराउ गर्दै प्रर्दशन गरेका छन् ।
२८ असारमा आएको बाढीले घर भत्किएको र घरभित्र भएका अन्नपात सबै बर्वाद हुँदा पनि निर्वाचित भएका जनप्रतिनिधिले आफूहरुको पीडा नबुझेको भन्दै स्थानीयहरुले शुक्रबार नगरपालिकाको कार्यालय घेराउ गरेका हुन् ।
बाग्मती नदीमा आएको बाढीले राजदेवि नगरपालिकाको विभिन्न वडाहरु नराम्ररी प्रभावित भएका छन । फुसको छाप्रो बनाएर बसेका गरिब परिवारको सबै भन्दा बढी विचल्ली भएको छ ।
पानी पर्दा भिजेर बस्नुपर्ने र पुनः आउन सक्ने बाढीको त्रासले निदाउनसमेत नसक्ने अवस्थामा रहेका बाढी पीडितहरुको अवस्था निकै दयनीय रहेको छ ।
आफू नजिकका मान्छेहरुलाई मात्रै राहत दिएको भन्दै स्थानिय आक्रोशित बनेका छन् । वास्तवीक पीडित भन्दा पनि क्षति नभएकाहरुलाई राहत बाँडिएको स्थानियको आरोप छ । बाढीको बेला राहतको रुपमा तत्काल बाडेको चाउचाउ र बिस्कुट समेतमा भेदभाव गरिएको छ ।
अब तत्कालीन राहतभन्दा पनि आफूहरुलाई भत्किएका घरहरु मर्मत गर्न र भोक मेटाउन खाद्यान्न, त्रिपाल लगायतका अत्यावश्यक समाग्रीहरुको अभाव रहेको बाढी पीडितहरुले बताएका छन ।
तपाईको प्रतिक्रिया