मेलम्चीको १० नम्बर वडा कार्यालयमा आगजनी

नारीकोसिस डटकम/साउन १५, सिन्धुपाल्चोक । बुधबार बिहानै मेलम्ची नगरपालिकाको वडा १० को कार्यालयमा ताल्चा फोडेर आगजनी गरिएको छ । मेलम्ची नगर – १० शिखरपुर कार्यालयमा सबै कागजात एकै स्थानमा राखेर आगजनी गरिएपछि प्रहरीले घटनास्थलमा अनुसन्धान तिव्र बनाएको छ ।
ताल्चा काटेर भित्र भएका सबै कागजपत्र एकै थुप्रो लगाएर जलाएको देखिन्छ, सबै कुरा योजनापूर्वक गरेको देखियो,’ इलाका प्रहरी मेलम्चीका प्रहरी निरीक्षक महेन्द्र दर्नालले भने।
कसले वडा कार्यालयमा ताल्चा फोरेर आगलागी गर्यो भन्नेबारेमा पत्ता लगाई नसकेको उनले सुनाए। यस विषयमा अनुसन्धान गर्दैछौं,’ उनले भने। कार्यालयमा राखिएका कम्प्युटर, कुर्सी, कागजपत्रदेखि सम्पूर्ण प्राविधिक र फर्निचर खरानी बनेपछि वडा कार्यालय अन्योलमा परेको मेलम्ची–१० अध्यक्ष भक्तबहादुर खड्काले बताए।
बिहान अन्दाजी ३ बजे अज्ञात समुहले वडा कार्यालयमा आगजनी गरेका थिए। स्थानीयले बिहान साढे पाँच बजे मात्रै आगो लागेको देखेपछि वडाध्यक्षलाई खबर गरेका थिए। ‘त्यसपछि मैले स्थानीय र प्रहरीलाई खबर गरेर घटनास्थल पुगे,’ वडाध्यक्ष खड्काले भने।
तपाईको प्रतिक्रिया