चार दिनदेखि अवरुद्ध कर्णाली राजमार्ग खुल्यो

नारीकोसिस डटकम/साउन १५, कालिकोट । चार दिनदेखि अवरुद्ध भएको कर्णाली राजमार्ग बुधबार दिउँसोबाट सुचारु भएको छ ।

शुभकालिका गाउँपालिका–१ कालेखोलामा पहिरो जाँदा अवरुद्ध भएको राजमार्ग पहिरो पन्छाएर सडक बनाएपछि राजमार्ग सञ्चालनमा आएको हो ।

बुधबार दिउँसोबाट कर्णाली राजमार्ग सुचारु भएको जिल्ला प्रहरी कार्यालय कालिकोटले जनाएको छ । चार दिनदेखि बीचबाटोमा अलपत्र परेका सवारीसाधन अहिले आ – आफ्नो गतव्यतर्फ लागेको जिल्ला प्रहरी कार्यालय कालिकोटले जनाएको छ ।

पहिरोले चार दिनसम्म राजमार्ग अवरुद्ध हुँदा आधा घण्टाको पैदल बाटो हिँडेर यात्रुहरुले अर्को गाडी चढेर आवत जावत भएको थियो ।