तीन दिनसम्म चट्याङसहित वर्षाको सम्भावना
नारीकोसिस डटकम/साउन १७, काठमाडौँ । मौमस पूर्वानुमान महाशाखाले आज शुक्रबार देशका केही स्थानमा मेघ गर्जनसहित पश्चिम पहाडका एक दुई ठाउँमा भारी वर्षाको सम्भावना रहेको जनाएको छ। आगामी तीन दिनसम्म मेघ गर्जन र चट्याङसहित पानी पर्ने मौसमविदले पूर्वानुमान गरेका छन् ।
शुक्रबार, शनिबार र आइतबारसम्म केही स्थानमा चट्याङ्ग पर्ने र पश्चिमको पहाडी भूभागमा भारी वर्षा हुने भएकाले सतर्कता अपनाउनुपर्ने मौसमविदको भनाइ छ ।
दिउँसो देशभर आंशिकदेखि सामान्यसम्म बदली रही केही स्थानमा हल्कादेखि मध्यमसम्म तथा राति चाहिँ पश्चिमी क्षेत्रमा भारी वर्षाको सम्भावना रहेको महाशाखाले जनाएको छ । हाल मनसुनको न्यून चापिय रेखा नेपालको तराई भू – भाग भन्दा दक्षिणतिर अवस्थित छ । यो रेखा बिस्तारै नेपाल तर्फ सर्दै आइरहेको छ ।
तपाईको प्रतिक्रिया