खेतमा पानी लगाउन गएका घर्ती मृत भेटिए

कोशिस मल्टिमेडिया
६ वर्ष पहिले
खेतमा पानी लगाउन गएका घर्ती मृत भेटिए

नारीकोसिस डटकम/साउन २३, गुल्मी । धुर्कोट गाउँपालिका ६ टिम्मुर खर्कका ४० वर्षीय भोजबहादुर घर्ती मृत भेटिएका छन् । पानी लगाउन खेतमा गएका घर्ती मृत भेटिएको जिल्ला प्रहरी कार्यालय गुल्मीले जानकारी दिएको छ ।

घर्ती बुधबार साँझ खेतमा पानी लगाउन गएका थिए । साँझ अबेरसम्म घरमा नआएपछि खोज्दै जाँदा परिवारले खेतमा मृत अवस्थामा भेटाएको प्रहरीले जानकारी दिए ।

घर्तीको शवलाई पोष्टमार्टमको लागि गुल्मी अस्पताल ल्याइँदै छ । घटनाबारे थप अनुसन्धान भइरहेको डीएसपी घलले बताए ।

तपाईको प्रतिक्रिया