नमुना नगरवस्ती सेवा समाजको छैटौं वार्षिक साधारण सभा सम्पन्न

नारीकोसिस डटकम/साउन २५, काठमाडौं । कागेश्वरी मनोहरा नगरपालिका वडा नं. ९ गोठटार अन्र्तगत रहेको नमुना नगर वस्ती सेवा समाजको छैटौं वार्षिक साधारण सभा सम्पन्न भएको छ । नगरवस्तीले स्वच्छ सफा हराभरा, बनाउ कागेश्वरी मनोहरा भन्ने मूल नारासहित शनिवार भैमाल युवा क्लवको सभाहलमा सोही वडाका वडा अध्यक्ष कुन्दन खड्काको प्रमुख आतिथ्यमा सम्पन्न भएको हो ।

कार्यक्रमलाई सम्बोधन गर्दै कार्यक्रमका प्रमुख अतिथि तथा वडा अध्यक्ष खड्काले नगरपालिकामा धेरै टोल सुधार समिति रहेकोले सबै समितिहरु एकिकृत रुपमा संगठित भई टोल समाजलाई रुपान्तरित गर्न आग्रह गर्नुभएको थियो।

कार्यक्रममा कार्यपालिका सदस्य कला घिमिरेले समाजको विकासमा यस संस्थाले राम्रो काम गरेकोमा प्रशंसा व्यक्त गर्दै संस्थाको भावियोजनाप्रति बधाई तथा शुभकामना व्यक्त गर्नुभयो । त्यस्तैगरी सोही नगरपलिकाका स्वास्थ्य तथा सरसफाई शाखा प्रमुख लक्ष्मी कोइरालाले वातावरण सरसफाई भनेको हामी सबैको लागि आवश्यक बताउनुभयो । साथै त्यसको लागि हामी सबै नागरीक सचेत भई घरबाट निस्केका ९० प्रतिशत फोहोर घरमै व्यवस्थनपन गर्न सकेमा घरदेखि लिएर टोल समाज सबै स्वच्छ वातावरण हुने भन्दै आम टोलवासीलाई आग्रह गर्नुभयो ।

संस्थाका कोषअध्यक्ष चन्द्र बहादुर ठकुरीले सोहि संस्थाको आय-व्यय र प्रगती विवरण प्रस्तुत गर्नु भएको थियो भने  संस्थाका अध्यक्ष फुल कुमार तामाङले संस्थाले  ठाउँ – ठाउँमा डस्टविन सुविधा, भित्रि सडकहरुमा बत्ती मर्मत, फोहोरमैला सुधार, ढल मर्मत र वृक्षारोपन जस्ता सामाजिक कार्यहरु गर्दै आईरहेको जानकारी गराउनुभएको थियो ।

सो कार्यक्रमा विभिन्न टोलसुधार समितिका तथा संघसंस्थाका प्रतिनिधि साथै स्थानीय बुद्धिजिवी लगायत स्थानिय वासीको वाक्लो उपस्थिति रहेको थियो ।