पोखराको एक मिनी मार्केटमा आगलागी हुँदा २३ पसल जले
नारीकोसिस डटकम/साउन २९, पोखरा । पोखराको न्युरोडस्थित एस मिनी मार्केटमा मंगलबार दिउँसो आगलागी हुँदा २३ वटा पसलका सबै सामान जलेका छन् ।
मिनीमार्केटमा इलेक्ट्रोनिक, फलफूल, फर्निचर तथा फोम (म्याट) पसल थिए । स्थानीय अन्तिम पौडेलका अनुसार मिनीमार्केटमा १० वटा सटरमा फोमको मात्रै व्यवसाय गरिएको थियो ।
दिउँसो करिब ४ बजेतिर भएको आगलागी १० मिनेटमा सबै पसलमा फैलिएको थियो । आगलागी भएको करिब १५ मिनेटपछि पोखरा महानगरपालिकाको दमकल पुगेको थियो । महानगरको ३ वटा दमकल प्रयोग गरेर २ घन्टामा आगो नियन्त्रणमा लिएको प्रहरीको भनाइ छ ।
आगलागीबाट भएको क्षतिको मुल्यांकन भइरहेको प्रहरीले बताएको छ ।
तपाईको प्रतिक्रिया