लायन्स क्लव अफ काठमाडौद्वारा सबिता उप्रेती सम्मानित

नारीकोसिस डटकम/साउन ३१, काठमाडौ । लायन्स क्लवद्वारा सामाजिक अभियान्ता तथा विशेष स्कुल तथा पुनस्थापना केन्द्रकी अध्यक्ष सुश्री सबिता उप्रेती सम्मानित हुनुभएको छ ।

लायन्स क्लव अफ काठमाडौ नयाँबजारले आफ्नो संस्थाको स्थापना दिवसको सु–अवसरमा आयोजना गरेको कार्यक्रम ‘नारी विशेष सम्मान २०७६’ बाट सम्मान गरिएको हो ।

उप्रेती लामो समय देखि अटिजम भएका बालबालिकाहरुको सेवामा समर्पित हुनुहुन्छ ।

अत्यन्त प्रतिकुल समय र परिस्थितिमा समेत निर्भीक र निस्वार्थ भइ नेपालमा अटिजम भएका बालबालिकाहरुलाई माया र अवसर प्रदान गरी उनीहरु पनि सबल र सक्षम हुन सक्छन् भन्ने सन्देश बोकेर नेपाली समाजमा अटिजम सम्वन्धी सचेतना र प्रत्यक्ष सेवामा समर्पित भइ समाजमा सकारात्मक सन्देश पुर्याउदै बिगत लामो समय देखि विशेष स्कुल तथा पुनर्स्थापना केन्द्र स्थापना गर्नुभई सामाजिक सेवामा देखाउनु भएको योगदानको उच्च मुल्यांकन गदै लायन्स डिस्टिक्ट ३२५ बि १ का गभर्नर लायन इन्दु लम्सालको बार्षिक कार्यक्रम नारी सम्मान अन्तर्गत सो सम्मान गरिएको आयोजकले जनाएको छ ।

कार्यक्रममा बोल्दै उप्रेतीले सो सम्मानले थप काम गर्ने हौसला बढाउनुका साथै आफूमा थप जिम्मेवारी थपिएको बाताउनुभयो । काठमाडौको पेप्सिकोलामा रहेको उक्त संस्थामा ४५ जना अटिजम भएका बालबालिकाहरुले शिक्षा ,विभिन्न थेरापी सेवा र सिपमुलक तालीमहरु पाइरहेका छ्न भने थेरापिष्टहरु ,डाक्टर ,साईकोलोजिष्ट लगाएत २६ जना कर्मचारीहरु कार्यरत छन ।