भारतीय विदेशमन्त्री जयशंकर काठमाडौं आइपुगे
नारीकोसिस डटकम/भदौ ४, काठमाडौं । भारतीय विदेशमन्त्री एस जयशंकर काठमाडौं आइपुगेका छन् ।
काठमाडौंमा आज र भोलि हुने नेपाल भारत संयुक्त आयोगको पाँचौं बैठकमा भाग लिन उनी नेपाल आएका हुन्।
त्रिभुवन विमानस्थलमा उनलाई परराष्ट्र सचिव शंकरदास वैरागी, नेपालका लागि भारतीय राजदूत मञ्जिवसिंह पुरीले स्वागत गरेका थिए।
आयोग बैठकको परराष्ट्र मन्त्री प्रदीप ज्ञवाली र जयशंकरले सहअध्यक्षता गर्नेछन्।
सन् १९८७ मा स्थापना भएको उक्त आयोगको बैठक आलोपालो गरी नेपाल र भारतमा हुने गर्छ। अघिल्लो बैठक सन् २०१६ मा भारतमा भएको थियो।
तपाईको प्रतिक्रिया