आज श्रीकृष्ण जन्माष्टमीः देशभर पूजा–आराधना गरी मनाइँदै

नारीकोसिस डटकम/भदौ ६, काठमाडौं ।  प्रत्येक वर्ष भाद्र कृष्ण अष्टमीका दिन मनाइने श्रीकृष्ण जन्माष्टमी पर्व आज भगवान् श्रीकृष्णको पूजा आराधना गरी मनाइँदैछ ।

ज्ञानयोग, कर्मयोग र भक्तियोगका प्रणेता भगवान् श्रीकृष्णको जन्म द्वापरयुगको अन्त्यतिर भाद्रकृष्ण अष्टमीको मध्यरातमा भएको सम्झनामा आजको दिनमा श्रीकृष्ण जन्माष्टमी पर्व मनाउने गरिएको हो ।

आजको दिन श्रद्धालु भक्तजनहरु व्रत बसी श्रीकृष्णको मन्दिरमा गएर पूजाआज तथा भजनकिर्तन गरी यो पर्व मनाउँछन् ।

अन्याय, अत्याचार र राक्षसी प्रवृत्तिबाट सम्पूर्ण मानवको रक्षा गर्न भगवान् विष्णुको आठौँ अवतारका रूपमा जन्मनुभएका श्रीकृष्णले आजीवन सत्यको पक्षमा रही सत्कर्मका लागि मानव समुदायलाई प्रेरित गरेको जनविश्वास छ ।

काठमाडौं उपत्यकाका कृष्णमन्दिर, लागयत मुलुकभरका कृष्ण मन्दिरहरुमा आज श्रद्धालु भक्तजनको घुइँचो लाग्ने गर्दछ ।