डोटीमा डेंगु संक्रमित महिलाको मृत्यु

नारीकोसस डटकम/भदौ ६, डोटी । डोटीमा डेंगुको संक्रमणबाट एक महिलाको मृत्यु भएको छ । डेंगु संक्रमित दीपायल सिलगढी नगरपालिका–६, थापलाकी ४२ वर्षीया छत्र मलासीको उपचारका क्रममा बिहीबार मृत्यु भएको हो ।

टाउको दुख्ने, ज्वरो आउने समस्यापछि माया मेट्रो अस्पताल, कैलालीमा भर्ना भएकी मलासीको बिहीबार बिहान उपचारका क्रममा मृत्यु भएको अस्पतालले जनाएको छ ।

डोटीमा डेंगुको संक्रमणबाट ज्यान गएको यो पहिलो घटना हो । घटनासँगै डोटीका स्थानीयमा त्रास फैलिएको छ ।