तामाकोशी हाइड्रोपावरमा खसेको ढुङ्गाले लाग्दा एक जनाको मृत्यु, ३ घाइते

नारीकोसिस डटकम/भदौ ८, सिन्धुपाल्चोक । जुगल गाउँपालिका–२ मा माथिबाट खसेको ढुङ्गाले लाग्दा एक जनाको मृत्यु भएको छ भने तीन जना घाइते भएका छन् ।

मृत्यु हुनेमा बर्दिया बढैयाताल गाउँपालिका–१ का ३२ वर्षीय अनिल सुनुवार रहेको जिल्ला प्रहरी कार्यालयका डिएसपी माधव काफ्लेले जानकारी दिए ।

अपर तामाकोशी हाइड्रोपावरको नजिकैको टहरा भन्दा माथिबाट ढुङ्गा खसेको हो । घाइते तीन जनालाई उपचारको लागि काभ्रेको धुलिखेल अस्पताल पठाएको छ । चार जना व्यक्तिहरु हाइड्रोपावरका कामदार रहेको प्रहरीले जनाएको छ ।