सिरहामा मापदण्डबिपरित संचालन गरिएका आधा दर्जन दुग्ध उद्योगमा शिलबन्दी
नारीकोसिस डटकम/भदौ ९, लहान । खाद्य प्रविधि तथा गुण नियन्त्रण कार्यालय सप्तरीले अनुमति बिना अवैध रुपमा सञ्चालित सिरहाको आधा दर्जन डेरी उद्योगमा शिलबन्दी गरेको छ ।
बजार अनुगमनका क्रममा दुर्गन्धित तथा कागजपत्र बिनै डेरी उद्योग सञ्चालन गरिरहेको पाइएपछि छ वटा डेरी उद्योगमा शिलबन्दी गरिएको हो ।
सदरमुकाम सिरहास्थित ज्वाइस दही तथा आइसक्रिम उद्योग, बजरङ्ग डेरी उद्योग, सुखचैनास्थित लक्ष्मी डेरी उद्योग, नरहास्थित सुधा दूध डेरी उद्योगमा शिलबन्दी गरिएको खाद्य प्रविधि तथा गुण नियन्त्रण कार्यालय सप्तरीका सुरेशकुमार सिंहले जानकारी दिए ।
सरकारले तोकेको मापदण्ड २५ प्रतिशत पनि पालना नगरेको र डेरी उद्योगीलाई पटकपटक डेरी उद्योगको मापदण्ड अपनाउन निर्देशन दिए पनि बेवास्ता गरेकाले शिलबन्दी गरेको प्रमुख सिंहको भनाइ छ ।
तपाईको प्रतिक्रिया