विप्लवका चार जना नेता पक्राउ
नारीकोसिस डटकम/भदौ १०, सुनसरी । जिल्ला प्रहरी कार्यालय सुनसरीको टोलीले काभ्रेका पुष्कर भन्ने घनश्याम श्रेष्ठ, काठमाडौंका आकाश भन्ने माधव गौतम, इटहरी वडा नं. ५ का सूर्य भन्ने रमेश खड्का र भोजपुर आमचोक गाउँपालिकाका प्रज्ज्वल भन्ने कृष्णकुमार श्रेष्ठलाई पक्राउ गरेको हो।
यी चारै जनालाई वैशाख १७ गते जिल्ला अदालत सुनसरीले जनही ५०/५० हजार रुपैयाँ धरौटी माग गरेको थियो। धरौटी माग गरेपछि नबुझाउँदा चारै जना कारागार चलान भएका थिए।
जिल्ला अदालतको आदेशउपर उच्च अदालत विराटनगरमा निवेदन दिएका थिए। उच्च अदालतले जिल्ला अदालतकै आदेशलाई सदर गरेपछि सोमबार सबैले धरौटी बुझाएर छुटेका थिए।
जिल्ला प्रहरी संखुवासभाका प्रमुख डिएसपी मीनबहादुर लामाका अनुसार चारै जनाको हातहतियार मुद्दा रहेको बताउनु भयो ।
तपाईको प्रतिक्रिया