कागेश्वरीधाममा तीन दिनसम्म मेला लाग्ने, पर्यटनमन्त्री योगेश भट्टराईले उद्घाटन गर्ने
नारीकोसिस डटकम/भदौ १६, काठमाडौ । काठमाडौंको कागेश्वरी मनोहरा नगरपालिका वडा नं.१ गागफेदीमा अवस्थित धार्मिक ऐतिहासिक कागेश्वरी महादेव मन्दिरमा मेला लाग्ने भएको छ ।
कागेअष्टमीका दिन लाग्ने ऐतिहासिक मेलामा तीनसम्म विविध कार्यक्रम सञ्चालन हुने भएको हो ।
हिन्दु र बौद्ध धर्मावलम्बिहरुको संगम तीर्थस्थलको रुपमा समेत रहँदै आएको यस मन्दिरमा वर्षेनी मेला लाग्ने गर्दछ ।
कागेअष्टमीका दिन हिन्दुहरुले पुजा गर्ने र बौद्ध धर्मावलम्बीहरु परम्परागत पोशाकमा झाँक्री बनेर उक्त स्थलमा पुग्ने गरेका छन् ।
यो वर्षको भद्रा शुल्कअष्टमी अर्थात भदौ २० गते (कागेअष्टमी) का दिन लाग्ने विशेष मेलाका लागि भदौ १९, २० र २१ गतेसम्म विशेष कार्यक्रम सञ्चालन हुने कागेश्वरी मनोहरा नगरपालिकाका प्रमुख एवं कार्यक्रम आयोजक मूल व्यवस्थापन समितिका संरक्षक कृष्णहरी थापाले जानकारी दिनुभयो ।
साथै उहाँले नगरपालिकाको नामै कागेश्वरी मन्दिरको नामबाट रहेकाले नगरपालिकाले मन्दिरलाई धार्मिक पर्यटकीय तिर्थस्थलको रुपमा विकास गर्न लागेको बताउनुभयो ।
पहिलो दिन कागेश्वरी मन्दिरको महत्वका बारेमा कवि गोष्ठि गरी साहित्यक कार्यक्रम सञ्चालन गर्ने, दोस्रो दिन कागेअष्टमीका दिन सँस्कृति पर्यटन तथा नागरिक उड्यमन्त्री योगेश भट्राईको प्रमुख आतिथ्यतामा कागेश्वरी महादेव मन्दिर मेलाको उद्घाटन गर्ने कार्यक्रम रहेको छ ।
तेस्रो दिन अर्थात २१ गते मन्दिरको सरसफाइ गरिने कार्यतालिका रहेको कागेश्वरी नगरपालिका वडा नं. १ का वडाध्यक्ष एवं मेला मूल आयोजक समितिका संयोजक मकुन्द गजुरेलले जानकारी दिनुभयो।
तपाईको प्रतिक्रिया