विशेष स्कुल तथा पुनर्स्थापना केन्द्रमा पंकज श्रेष्ठले खिचेको फोटो बन्यो उत्कृष्ट
नारीकोसिस डटकम/भदौ १८, काठमाडौ । देशव्यापी फोटो प्रतियोगितामा कान्तिपुर टेलिभिजनका पत्रकार पन्कज श्रेष्ठले SSDRC मा खिचेको फोटो प्रथम भएको छ ।
देशभरबाट प्राप्त फोटोहरुको निर्णायक चरणमा फोटो पत्रकार नरेन्द्र श्रेष्ठ नेतृत्वको निर्णायक मण्डलले अटिजम भएको विद्यार्थीलाई पढाउदै गरेको उक्त तस्बिरलाई उत्कृष्ट फोटो छानेको हो।
युनेस्को नेपाल र नेपाल सरकारको शिक्षा, विज्ञान तथा प्रविधि मन्त्रालयअन्तर्गत शिक्षा र मानव स्रोत विकास केन्द्रसँगको सहकार्यमा पिजे क्लबले उक्त कार्यक्रमको आयोजना गरेको थियो।
प्रतियोगिताका लागि देशभरबाट १ सय ८२ फोटोग्राफरका ६ सय ३६ फोटो प्राप्त भएका थिए । देशभरबाट प्राप्त फोटोहरुले देशको वर्तमान शिक्षाको स्थिति, विधार्थी, स्कूल र शिक्षक बीचको सम्बन्ध झल्काउने निर्णायक मण्डलका प्रमुख श्रेष्ठले बताउनुभायो।
अटिजम भएकाहरुको शिक्षामा शिक्षक र विद्यार्थी बीचको आत्मीयता, सम्बन्ध र लगनशीलता महत्वपूर्ण रहेको विजेता तस्बिरले प्रष्ट देखाएको बताउनुभयो।
विजेता सहित उत्कृष्ट फोटोहरुको प्रर्दशनी २०७६ भदौ २२ गतेदेखि २८ गतेसम्म नेपाल आर्ट काउन्सिल (नेपाल कला परिषद) बबरमहलमा गरिनेछ।
तपाईको प्रतिक्रिया