आईसीसी महिला फोरम संयोजकमा जुनु गुरुङ्गको उम्मेदवारी
नारीकोसिस डटकम/भदौ २२, काठमाडौं । सोल–गैरआवासीय नेपाली संघ (एनआरएनए) को यही अक्टोबर १५ देखि १७ सम्म काठमाडौँ हुने विश्व सम्मेलनमा एसिया प्यासिफिक महिला फोरम संयोजक जुनु गुरुङ्गले पनि उम्मेदवारी दिने भएकी छिन् ।
उनले आईसीसी महिला फोरम संयोजकमा उम्मेदवारी दिने घोषणा गरेकी हुन् ।
लामो समयदेखि दक्षिण कोरियामा रहेर व्यवसायमा संलग्न जुनु गुरुङ्ग ‘वुमन फर वुमन’ दक्षिण कोरियाकी पूर्वअध्यक्ष हुन् । यस्तै उनी दक्षिण कोरिया सरकारले प्रदान गर्ने मानार्थ सिटिजनसिपबाट सम्मानित महिला हुन् ।
महिलाका आवाजलाई शसक्त रुपमा उठाई उनीहरुको आर्थिक तथा व्यवसायिक पाटोलाई सक्षम बनाउन प्रयास गर्ने बताउँदै उनले सबैतिर छरिएर रहेका महिलाहरुको संञ्जाललाई अझ बिस्तार गरि फराकिलो बनाउने प्रतिबद्धता जनाइन् ।
तपाईको प्रतिक्रिया