प्युठानमा बहुविवाह मुद्दा लागेका गाउँपालिका अध्यक्ष प्रहरी हिरासतमा
नारीकोसिस भदौ २३, प्युठान । वहुविवाह मुद्दा लागेका प्युठानको गौमुखी गाउँपालिका अध्यक्ष विष्णुकुमार गिरी आइतबारदेखि जिल्ला प्रहरी कार्यालयको हिरासतमा छन्।
गिरीविरूद्ध श्रीमती सीता केसी गिरीले गत भदौ १० गते बहुविवाहको उजुरी दिएकी थिइन्। आफूविरूद्ध मुद्दा दर्ता भएपछि गाउँपालिका अध्यक्ष गिरी आफैं जिल्ला प्रहरी कार्यलय गएका थिए।
जिल्ला प्रहरीका अनुसार अध्यक्ष गिरीका श्रीमति सीताकै उजुरीका आधारमा गिरीकी कान्छी श्रीमती अस्मिता बुढाथोकी पनि हिरासतमा छन्। उनी भदौ २० गतेदेखि नै हिरासतमा रहेको प्रहरीले जनाएको छ।
वहुविवाह भएको प्रमाणित भएमा मुलुकी अपराध संहिता दफा १७५ उपदफा ४ बमोजिम एक वर्षदेखि पाँच वर्षसम्म कैद र दस हजारदेखि ५० हजार रुपैयाँसम्म जरिवाना हुने कानुन छ।
तपाईको प्रतिक्रिया