विकास समितिद्वारा सिसडोल र बञ्चरे डाँडाको अनुगमन

नारीकोसिस डटकम /भदौ २३, नुवाकोट । संघिय सांसदको विकास तथा प्रविधि समितिद्वारा सोमबार नुवाकोटको ककनी गाँउपालिका वडा नं. १ र २ ओखरपौवा डम्पिङ क्षेत्र तथा सिसडोलको अनुगमन गरेको छ ।

काठमाडौ उपत्यकाको फोहोर बिसर्जन स्थल रहेको उक्त सिसडोलमा भइरहेको फोहोरको ब्यवस्थापनको सन्दर्भमा उत्पन्न विकराल अवस्थाको जानकारी लिन एंव नुवाकोट र धादिङको सिमाना बञ्चरे डाँडामा निर्माण गर्न लागिएको ल्याण्डफिल साइडको समितिले मंगलवार अनुगमन गरेको हो ।

समितिका सभापति कल्याणी खड्का सहित पदाधिकारी र नुवाकोटबाट प्रतिनिधित्व गर्ने सांसदहरुले ककनी ओखरपौवामा गएको पहिरोबाट अवरुद्ध सडकको समेत अनुगमन गरी तत्काल मर्मतका सम्बन्धित निकायलाई निर्देशन दिएको प्रतिनिधिसभा सदस्य तथा नेकपाको नेता हितबहादुर तामाङले जानकारी दिनुभयो ।