सप्तरीको रक्तसञ्चार केन्द्रमा रगत अभाव

नारीकोसिस डटकम/भदौ २६, सप्तरी। सप्तरीको राजविराजस्थित रक्तसञ्चार केन्द्रमा रगतको अभाव भएको छ । गर्मीसँगै रक्तदान कार्यक्रम कम हुँदै गएकाले रगतको अभाव भएको केन्द्रका इन्चार्ज नवीनकुमार झाले बताए ।

रगत अभाव परिपूर्ति गर्न साटासाट प्रणाली लागू गरे पनि रगत अभाव रहेको र अहिले रगत लिन आउने बिरामीका आफन्तहरुसँग रगत लिएर बिरामीको आवश्यकतालाई पूरा गरिरहेको अवस्था रहेको उनले बताए ।

इन्चार्ज झाले रगत अभाव पूर्ति गर्नका लागि रक्तदान कार्यक्रम सञ्चालन गर्न जिल्लास्थित विभिन्न संघसंस्थालाई आह्वान गरे ।