श्रीमती हत्या गरी फारर रहेका एक अभियुक्त १५ वर्षपछि पक्राउ

कोशिस मल्टिमेडिया
६ वर्ष पहिले
श्रीमती हत्या गरी फारर रहेका एक अभियुक्त १५ वर्षपछि पक्राउ

नारीकोसिस डटकम/भदौ २७, महोत्तरी । श्रीमतीलाई हत्या गरी १५ वर्षदेखि फरार रहेको एक अभियुक्तलाई प्रहरीले महोत्तरीको औरहीबाट पक्राउ गरी शुक्रबार बिहान पत्रकार सम्मेलन गरी सार्वजनिक गरेको छ ।

औरही नगरपालिका– २ का अभियुक्त विनोद सदा मुसहरलाई सार्वजनिक गरेको हो ।

विसं २०६१ कात्तिक १८ गते औरही नगरपालिका वडा २ साविकका औरही गाविस वडा ८ मा आफ्नो ४० वर्षीया श्रीमती बेचनी देवी सदाको हत्या गरेका थिए ।घरायसी विवादका कारण श्रीमातीको हत्या गरिएको थियो ।

विनोदलाई प्रहरीले विशेष सुराकीका आधारमा गएराति घरबाटै पक्राउ गर्न सफल भएको इलाका प्रहरी कार्यालय गौशालाले जनाएको छ ।

पक्राउ परेका मुसहरलाई आवश्यक कानूनी कारवाहीका लागि जलेश्वर पठाउने तयारी भइरहेको प्रहरीले जनाएको छ ।

तपाईको प्रतिक्रिया