टाइमलाइन स्कुलले साङ्गीतिक एल्बम ‘बहार’ को म्युजिक भिडियो सार्वजनिक

नारीकोसिस डटकम ३०,काठमाडौं । गोकर्णेश्वर नगरपालिका–५, जोरपाटीमा अवस्थित टाइमलाइन स्कुलले आइतबार एक औपचारीक कार्यक्रम गरी दशैं–तिहार बिशेष साङ्गीतिक एल्बम ‘बहार’ को म्युजिक भिडियो सार्वजनिक गरेको छ। उक्त गीत तथा भिडियो टाइमलाइन स्कुलका संस्थापक अध्यक्ष नवराज रिजालको जन्मदिनको सु -अवसर पारी गोकर्णेश्वर नगरपालिकाका मेयर सन्तोष चालिसे, बरिष्ठ सङ्गीतकार शान्तिराम राई, प्याब्सन काठमाडौंका अध्यक्ष हरिकृष्ण श्रेष्ठ, प्याब्सन गोकर्णेश्वरका अध्यक्ष मदन कुमार सुवेदी, गायक थानेश्वर गौतम लगायत सङ्गीत क्षेत्रका विशिष्ट व्यक्तिहरुको उपस्थितिमा उक्त गीत तथा भिडियो सार्वजनिक गरिएको हो ।

आधुनिकता सँगै हराउँदै गएको नेपाली मौलिक सँस्कृति र चाडपर्वहरूको महत्वलाई दर्शाउँदै नेपाली सँस्कृतिको जगेर्ना गर्ने उद्देश्यले यो गीत तयार गरिएको स्कुलका प्रिन्सिपल तथा गीतकार राम प्रसाद बडालले बताउनु भएको छ ।टाइमलाइन स्कुलका प्रिन्सिपल तथा गीतकार राम प्रसाद बडालको शब्द रचना र रत्न राईको सङ्गीत रहेको ‘बहार’ एल्बममा सत्यकला राई, सरला राई, लक्ष्मण चौलागाई र सङ्गीतकार रत्न राईको स्वर रहेको छ ।

उक्त एल्बम बारेमा कार्यक्रममा बोल्दै प्रमुख अतिथि तथा मेयर सन्तोष चालिसेले नेपाली मौलिक सँस्कृतिलाई अत्यन्तै नजिकबाट राम्रो सँग समेटी बस्तु स्थितिको चित्रण गरीएको भन्दै  प्रसंसा व्यक्त गर्नुभयो भने सङ्गीतकार शान्तिराम राईले टाइमलाइन स्कुलले नेपाली कला र सँस्कृतिलाई गीतको शब्द र संगितको समायोजनमा नेपालीको विविधता चिनाउने सांगतिक उपाहार भित्रिएको दर्शाउनु भयो ।

साथै उक्त नेपाली मौलिक सँस्कृतिमा आधारित दशैं–तिहार बिशेष साङ्गीतिक एल्बम ‘बहार’ को म्युजिक भिडियो यस्तो छ हेर्नुस :-

https://www.youtube.com/watch?time_continue=9&v=AZZvAAO1UC8