सिटिभिटीका कर्मचारीहरु आन्दोलनमा उत्रे
नारीकोसिस डटकम/भदौ ३१, भक्तपुर । प्राविधिक शिक्षा तथा व्यवसायिक तालिम परिषद् (सिटीभिटी) मा कार्यरत कर्मचारीहरूले ११ बुँदे माग राखेर चरणबद्ध आन्दोलनमा उत्रिएका छन्।
सिटीइभिटी व्यवस्थापनसँग गत वर्ष असोज २१ र जेठ १३ गते भएको सहमतिको कार्यान्वयन गर्नुपर्ने भन्दै भाद्र २५ गतेदेखि उनीहरु आन्दोलनमा उत्रिएका हुन्।
आन्दोलनरत कर्मचारीहरुले सिटीभिटी व्यवस्थापनसँग सेवा प्रवेशदेखि हालसम्म परिषदको केन्द्रीय कार्यालय भन्दा बाहिर नगएका कर्मचारीहरूलाइ तत्काल पहिलो चरणमा प्रदेश तथा शिक्षालयमा खटाउनुपर्ने, त्यसपछि क्रमशः बढी अवधि परिषद् कार्यालय बसेका कर्मचारीहरूलाई प्रदेश कार्यालय तथा शिक्षालयमा खटाउनुपर्ने लगायतका मागहरू अघि सारेका छन्।
हाल दोस्रो चरणको आन्दोलनको कार्यक्रमअनुसार राष्ट्रिय कर्मचारी संगठन केन्द्रीय कार्यालयमा काम गर्ने ७५ जनाको टोलीले धर्ना शुरू गरेका छन्। बिहान १० बजेदेखि शुरू भएको धर्ना साँझ कार्यालय बन्द नहुँदासम्म जारी रहने आन्दोलनरत राष्ट्रिय कर्मचारी संगठनका अध्यक्ष तेजवहादुर खत्रीले जनाए।
तपाईको प्रतिक्रिया