१४ वर्षीया बालिकालाई होटलबाट उद्धार
नारीकोसिस डटकम/भदौ ३१, इटहरी । १४ वर्षीया बालिकालाई होटलबाट उद्धार गरेको छ । काम लगाइदिने बहानामा जबरजस्ती यौनधन्दा गर्न लगाएको सूचनाका आधारमा इटहरीबाट आइतबार साँझ प्रहरीले उद्धार गरेको हो।
इटहरी वडा नं ६ मा सञ्चालित दियालो होटलबाट बालिकालाई उद्धार गरिएको हो । प्रहरीले जाँचको क्रममा होटलको कोठा नं १०१ बाट उद्धार गरेको हो ।
उद्धार गरिएका बालिका धनकुटा लेगुवा पुलडाँडा घर भएकी आरती केसी भन्ने पवित्रा थापाले परिवारको अनुमतिबिनै काम लगाइदिने बहानामा यौनधन्दा गर्न लगाएको प्रहरीको अनुुसन्धानबाट खुलेको छ ।
बालिकालाई इटहरी वडा नं. २ का २२ वर्षीय हरि भन्ने लक्ष्मण राउत र भोजपुर घोरेटार वडा नं. १ घर भई इटहरी वडा नं. ५ मा बस्दै आएका २२ वर्षीय प्रदीप कोइरालासँग जबरजस्ती यौन क्रियाकलाप गर्न लगाइएको प्रहरीले जनाएको छ ।
प्रहरीले लक्ष्मण, प्रदीप र पवित्रालाई तत्काल पक्राउ गरेको छ । तीनै जनालाई मानव बेचबिखनमा मुद्दा दर्ता गरेको छ ।
तपाईको प्रतिक्रिया