प्रहरीद्धारा १२ वर्षीया बालिकामाथि बलात्कार प्रयास
नारीकोसिस डटकम/असोज २, डोल्पा । एक प्रहरी हवल्दारले १२ वर्षीया बालिकामाथि बलात्कार गर्ने प्रयास गरेको छ ।
त्रिपुरासुन्दरी नगरपालिका–२ रुमस्थित वडा कार्यालय सुरक्षार्थ खटिएका प्रहरी चौकी त्रिपुराकोटका ३९ वर्षीय प्रहरी हवल्दार दानबहादुर जिसिले १२ वर्षीया बालिकालाई जवरजस्ती बलात्कार प्रयास गरेका छन्।
सोही नगरपालिका २ की कक्षा ७ मा अध्यायनरत १२ वर्षीया अनुजा थापालाई असोज १ गते राती ८ बजेतिर मदिरा सेवन गरेर जवरजस्ती बलात्कार प्रयास गरेको पीडितका आफन्तले प्रहरी चौकी त्रिपुराकोटमा दिएको निवेदनमा उल्लेख गरिएको प्रहरीले बताएको छ ।
आरोपितलाई रातारात जिल्ला पठाइएको भन्दै रुम गाउँका स्थानीयले बिहिबार प्रहरी चौकी घेराउ गर्दै ढुङ्गामुढासमेत गरेका छन्।
जिल्ला प्रहरी कार्यालय डोल्पाका प्रमुख नाराययण रन्जितकारले बलात्कार प्रयासका आरोपितलाई पक्राउ गरि जिल्ला ल्याइसकिएको र आवश्यक अनुसन्धान शुरु गरिएकाले चौकी घेराउलगायतका उच्छृङ्खल कार्य नगर्न स्थानीयलाई आग्रह गरिएको बताए।
तपाईको प्रतिक्रिया