सुनको भाउ ओरालो लाग्यो, आज कति छ सुनको भाउ ?

नारीकोसिस डटकम/असोज ९, काठमाडौं । लगातार बढेको सुनको मूल्य ओरालो लागेको छ । बिहीबार प्रतितोलाको ७१ हजार ३०० रुपैयाँमा कारोबार भएको नेपाल सुन चाँदी व्यवसायी महासंघले जनाएको छ।

यस्तै तेजाबी सुन ७० हजारमा कारोबार भइरहेको छ। बुधबार तोलामा ६ सय रुपैयाँ बढेर तोलाको ७२ हजार रुपैयाँ पुगेको सुनको भाउ बिहीबार घटेको हो।

यस्तै, चाँदी पनि तोलामा २५ रुपैयाँ घटेर तोलाको ८ सय ६५ रुपैयाँमा झरेको छ। बुधबार छापावाल सुन प्रतितोला ७२ हजार रुपैयाँमा कारोबार भएको थियो र तेजाबी सुन मूल्य प्रतितोला सुन ७१ हजार ७०० रुपैयाँमा कारोबार भएको थियो।

चाँदी भने ८ सय ९० मा कारोबार भएको थियो। अन्तर्राष्ट्रिय बजारमा नै भाउ घटेकाले नेपाली बजारमा पनि केही कम भएको महासंघले जनाएको छ ।