कागेश्वरी मनोहरा नगरपालिका स्वास्थ्य शाखाद्वारा आयोजित पाँचौ सुरक्षित गर्भपतन दिवस कार्यक्रम सम्पन्न
नारीकोसिस डटकम/असोज १०, काठकमाडौं । ग्रीन तारा नेपालको सहकार्यमा कागेश्वरी मनोहरा नगरपालिका स्वास्थ्य शाखाले पाँचौ सुरक्षित गर्भपतन दिवस मनाएको छ ।
नगरपालिका स्वास्थ्य शाखा प्रमुख लक्ष्मी कोइरालाको अध्यक्षतामा शुक्रबार काँडाघारीमा “अवको गन्तव्य, सुरक्षित गर्भपतनको अन्त्य” भन्ने नाराका साथ एक औपचारिक कार्यक्रम आयोजना गरी सो दिवस मनाएको हो ।
कार्यक्रममा सोही नगरपालिका वडा नं. ९ का वडा अध्यक्ष कुन्दन खड्का प्रमुख अतिथिको रुपमा उपस्थित थिए ।
कार्यक्रमलाई सम्बोन्धन गर्दै वडा अध्यक्ष खड्काले पुरुषको तुलनामा महिला बढी जीम्मेवार भएका कारण सुरक्षित गर्भपतनको विषयमा पनि उनीहरुलाई सचेत गराउन सकेमा मातृ मृत्युदर तथा अप्रिय घटनाहरु न्यूनिकरण गर्न सकिने बताए ।
कार्यक्रममा अन्य सहभागी अतिथिहरुले पछिल्लो समय असुरक्षित गर्भपतनका कारण महिलाहरुले अकालमै ज्यान गुमाउनुपरेको घटनाहरु बढेकाले प्रजनन स्वास्थ्य सम्बन्धी शिक्षा घरपरिवारवाटै आफ्नो वालवालिकालाई दिन आवश्यक रहेको र विद्यायल शिक्षामा पनि अनिवार्य रुपमा यो शिक्षा दिन आवश्यक रहेको बताएका छन् ।
कार्यक्रममा कार्यपालिका सदस्य कला घिमिरे, वडा सदस्य साहारा पुर्कोटी, नेपाल परिवार नियोजन संघ उपत्यका शाखा प्रमुख शरद अर्याल, परिवारनियोजन अधिकृत रामकृष्ण फुयाल, गोठाटार स्वास्थ्य चौकीका पमुख ओमप्रसाद पौडेल अतिथिको रुपामा उपस्थित थिए भने स्थानीय स्वयमसेविका, महिला समूहका प्रतिनिधि लगायत विद्यार्थीहरुले सहभागीता जनाएका थिए ।
तपाईको प्रतिक्रिया