उज्ज्वल तारा स्कुल द्धारा आयोजित ‘तेस्रो उज्ज्वल तारा दशैं रन फर गुड हेल्थ’ कार्यक्रम भव्यताकासाथ सम्पन्न

नारीकोसिस डटकम काठमाडौँ, ११ असोज । कागेश्वरी मनोहरा नगरपालिका वडा नम्बर -९ काँडाघारी सनसिटिमा अवस्थित उज्ज्वल तारा स्कुल द्धारा आयोजित ‘तेस्रो उज्ज्वल तारा दशैं रन फर गुड हेल्थ’ कार्यक्रम भव्यतासाथ शनिबार सम्पन्न भएको छ । उक्त स्कुलले यस नगरपालिकाको गौरव र प्रतिष्ठाको रुपमा विगत तीनवर्षदेखि यो दौड आयोजना गर्दै आइरहेको छ ।

आपसी सद्भाव र मित्रता बढाउन, स्वास्थ्य सम्वन्धि जनचेतना अभिवृद्धि गर्न साथै नेपालीहरुको आउदै गरेको महान चार्ड वडा दशैंको शुभकामना आदान -प्रदान गर्ने उद्धेश्यले आयोजना गरिएको उक्त कार्यकममा एकहजार भन्दा बढि सबै उमेर समुहका व्यक्तिहरुले सहभागिता जनाएको विद्यालय दौड कार्यक्रम संयोजक एवम् विद्यालयका संस्थापक सल्लाहकार विष्णु बहादुर कार्कीले बताउनु भयो । दौड उद्घाटन कार्यक्रममा नगर प्रमुख कृष्णहरी थापा ,वरिष्ठ मुटुरोग विशेषज्ञ डा.भगवान कोइराला र हवाई सेवा सञ्चालक संघ तथा सिम्रिक एयरका अध्यक्ष क्याप्टेन रामेश्वर थापाको पनि सहभागिता रहेको थियो ।

महिला र केटाकेटीका लागि ३ किलोमिटर, पुरुष तथा वहालवाला र सेवानिवृत्त सुरक्षाकर्मीहरुका लागि ५ किलोमिटर दुरी दौडको साथै ६० वर्षको उमेर माथिका महिला पुरुषका लागि ३ किलोमिटर हिँड्ने व्यवस्था मिलाइएको र यसका लागि १४ वटा विधामा पहिलो, दोस्रो र तेस्रो हुने धावकका लागि पदक, ट्रफि र प्रमाणपत्रको व्यवस्था गरिएको थियो ।

सबै विधाको दौड पुरा गर्ने धावकहरुको चेष्ट नम्बरलाई समावेश गरि अन्तिममा गोलाप्रथाद्धारा एक महिला र एक पुरुष धावकलाई एक-एक जोर ट्रयाक सुट र एक वर्षको लागि नागरिक दैनिकको ग्राहक पुरस्कार प्रदान गरिएको थियो ।

उक्त कार्यक्रममा नेपालको पुराना धावकद्धय जीतबहादुर केसी र विमला राना मगरलाई जनही नगद ११ हजार १ सय ११ रुपैया सहित उज्ज्वल तारा खेल सम्मानद्धारा सम्मान गरिएको थियो भने स्वास्थ्य क्षेत्रमा उल्लेखनीय योगदान पर्याएका काँडाघारीका डा.ध्रुवकुमार खड्का र सामुदायीक वनक्षेत्रको विकासमा विशेष योगदान गरेका डा.ध्रुवप्रसाद आचार्य, नेपाल दुरसञ्चार कार्यक्रममा नेपालको पुराना धावकद्धय जीतबहादुर केसी र विमला राना मगरलाई जनही नगद ११ हजार १ सय ११ रुपैया सहित उज्ज्वल तारा खेल सम्मानद्धारा सम्मान गरिएको थियो भने स्वास्थ्य क्षेत्रमा उल्लेखनीय योगदान गरेका काँडाघारीका डा.ध्रुवकुमार खड्का र सामुदायीक वनक्षेत्रको विकासमा विशेष योगदान गरेका डा.ध्रुवप्रसाद आचार्य, नेपाल दुरसञ्चार प्राधिकरणका कार्यकारी अध्यक्ष पुरुषोत्तम खनाललाई पनि सम्मान गरिएको  थियो  ।