भैमाल युवाक्लवद्धारा आयोजित मैत्रीपूर्ण फुटवल शुभकामना प्रतियोगिता सुरु

नारीकोसिस डटकम/असोज १३, काठमाडौं । आजदेखि भैमाल युवा क्लवले ‘राष्ट्रको लागि खेल, स्वास्थ्यको लागि खेल’ भन्ने नारा सहित विजय दशमीको सु–अवसरमा पारी खेलिने मैत्रीपूर्ण फुटवल शुभकामना प्रतियोगिता सुरु भएको छ । कागेश्वरी मनोहरा–९, का वडा अध्यक्ष तथा कार्यक्रमका प्रमुख अतिथि कुन्दन खड्काले उद्घाटन गरी सो खेल सुरु गरिएको हो ।

कागेश्वरी मनोहरा–९, गोठाटार अर्किट स्कुलमा सुरु भएको सो खेल प्रतियोगितामा क्लव अन्र्तगतका सदस्यहरुवचि मैत्रीपूर्ण प्रतिस्पर्धा हुनेछ । सो खेल सोमबारदेखि मंगलबारसम्म गरी चार दिन सम्म चल्नेछ ।

टोलवासीका युवाहरु एकअर्कामा मित्रता भाव साटासाट तथा परिचयत्म चिनजान गराउने उद्देश्यले वडाभरीका संघ–संस्था तथा टोल सुधार समितिहरु मिलेर गत वर्ष देखि सो खेल प्रतियोगीता सुरु गरिएको भैमाल युवाक्लका अध्यक्ष सविन दाहालले बताउनु भयो । विगतको बर्षदेखि सो क्लवले सामाजिक कार्यहरु पनि गर्दै आईरहको छ ।