कागेश्वरी मनोहरा नगरपालिका स्वास्थ्य शाखाद्वारा जेष्ठ नागरिकहरुलाई सम्मान
नारीकोसिस डटकम/असोज १५, काठमाडौं । कागेश्वरी मनोहरा नगरपालिका नगरपालिका स्वास्थ्य शाखाद्वारा जेष्ठ नागरिकहरुलाई सम्मान गरेको छ । जेष्ठ नागरिक दिवसको अवसरमा मंगलवार गोठाटारमा एक औपचारिक कार्यक्रम आयोजना गरी स्थानीय जेष्ठ नागरिकलाई सम्मान गरेको हो ।
जेष्ठ नागरिकहरुलाई कार्यक्रमका प्रमुख अतिथि तथा सोही नगरपालिकाका प्रमुख कृष्णहरि थापाले दोसल्ला ओढाएर सम्मान गरेका थिए । त्यसैगरी एक सय बर्षीया शान्ता बस्नेतलाई पनि दोसल्ला ओढाएर सम्मान गरेका थिए । नगरपालिकाभित्रका ७० बर्ष माथिका एक सय २५ जना जेष्ठ नागरिकहरु सम्मानित स्वास्थ्य शाखा प्रमुख लक्ष्मी कोइरालाले जानकारी दिइृन् । कार्यक्रमलाई संबोधन गर्नुहुँदै नगर प्रमुख थापाले कागेश्वरी मनोहरा नगरपालिका नगरभित्र भएका सबै जेष्ठ नागरिकको हक, हित र संरक्षणका लागि लागिपरेको बताए ।
कार्यक्रमको अध्यक्षता वडा नं. ९ का वडा अध्यक्ष कुन्दन खड्काले गरेका थिए । । कार्यक्रममा कागेश्वरी मनोहरा नगरपालिकाका जनप्रतिनिधिहरु, कर्मचारीहरु, डा. करबिरनाथ योगी लगायत जेष्ठ नागरिक र स्थानीयबासीहरुको सहभागिता रहेको थियो ।
तपाईको प्रतिक्रिया