एकताको १७ महिनापछि पार्टी गतिविधिप्रति दाहालको असन्तुष्टि

नारीकोसिस डटकम/कात्तिक १, काठमाडौं । सत्तारुढ दल नेकपाको पछिल्लो गतिविधिप्रति पार्टीकै एक अध्यक्ष असन्तुष्ट देखिएका छन् । अध्यक्ष पुष्पकमल दाहालले ‘अराजक गतिविधि’ मौलाउन लागेको बताउनुभएको छ ।

एकले अर्कोलाई सिध्याउने खेल सुरु भएको उहाँको ठम्याइ छ । उहाँले यसलाई डरलाग्दो रोगका रुपमा चित्रण गर्नुभएको छ ।

पार्टी एकताको १७ महिनापछि उनले पार्टीमा देखिएको विकृतिको आलोचना गर्नुभएको हो । नेकपा चितवनले आयोजना गरको चियापान कार्यक्रममा उनले पार्टीभित्रका बेथितिको चर्चा गर्नुभयो । यो समाचार आजको अन्नपूर्ण पोस्ट् दैनिकमा छ ।