काँडाघारीमा बृहत सरसफाई कार्यक्रम सम्पन्न

कोशिस मल्टिमेडिया
६ वर्ष पहिले
काँडाघारीमा बृहत सरसफाई कार्यक्रम सम्पन्न

नारीकोसिस डटकम/कात्तिक २,काठमाडौं । कागेश्वरी मनोहरा नगरपालिका वडा ९ अन्तरगत काँडाघारीमा आज “स्वच्छ सफाहराभरा बनाउ कागेश्वरी मनोहरा “भन्ने मूल नारा सहित जेष्ट आइडियोलोजी बचत तथा ऋण सहकारी संस्था र उज्ज्वल नगर समाजको सहकार्यमा बृहत सरसफाई कार्यक्रम सोहि नगरपालिकाका नगर प्रमुख कृष्णहरी थापाको प्रमुख आतिथ्यमा सम्पन्न भएको हो ।

उक्त सरसफाई कार्यक्रमलाई सम्बोधन गर्दै नगर प्रमुख थापाले घरबाट निस्किने फोहोरलाई कुहिने र नकुहिने छुटयाई व्यबस्थापन गर्न सकेमा आफनो वरीपरीको वाताबरण सफा र स्वस्छ हुने कुरामा जोड दिनुभयो ।साथै नगरपालिकाले पनि आगामी दिनमा सरसफाई सम्बन्धी चेतना मूलक कार्यक्रमहरु ल्याउने बताउनु भयो ।

विगत दश बर्ष देखि काठमाण्डौंको न्युरोडमा मुख्य कार्यलय र मैतीदेवि शाखाबाट ग्राहकवर्गलाई बचत तथा ऋण  सेवा पुर्याउदै आएको सो जेष्टआइडियोलोजी बचत तथा ऋण सहकारी संस्थाले यहाँका स्थानियबासी शेयर सदस्यहरुको माग अनुरुप, आफना सेवाहरु प्रदान गर्न यस क्षेत्रमा छिटै नै आफनो शाखा औपचारी रुपमा विस्तार गर्न लागिरहेको र यस समाज सँग एकाकार भई वातावरण सफा र स्वच्छ भएमात्र व्यक्ति र समाज स्वस्थ्थ रहन्छ भन्ने उदेश्यका साथ यो सरसफाई कार्यक्रम आयोजना गरीएको उक्त सहकारी संस्थाका अध्यक्ष राम प्रसाद आचार्यले बताउनु भयो ।

सनसिटिचोक बाट शुरु गरेको सरसफाई कार्यक्रम क्रमश: निगिरी समाज ,उज्जवल नगर समाज ,सगरमाथा कोलोनी ,चन्द्रसुर्य कोलोनी ,काडाँघारी चोक, शिव सुन्दरटोल, वडा नम्बर बत्तिस हुदै सनराइज चोकमा पुगि समापन गरिएको थियो ।

उक्त सरसफाई कार्यक्रममा स्थानिय जनप्रतिनिधि,सुरक्षाकर्मी, विभिन्न संघ संस्थाका व्यक्तित्व,स्थानिय महिला समूह र स्थानियबासीको बाक्लो सहभागीता रहेको थियो ।

तपाईको प्रतिक्रिया