ओलीको अभिव्यक्तिपछि दाहालसँग दूरी, पुराना सहमति कार्यान्वयनमा ओलीको वेवास्ता
नारीकोसिस डटकम/कात्तिक ४, काठमाडौं । प्रधानमन्त्री केपी शर्मा ओलीले आफू लक्षित अभिव्यक्ति दिएपछि नेकपाका अध्यक्ष पुष्पकमल दाहाल शनिबार दिउँसो सिन्धुपाल्चोकको झुले उक्लीनुभयो ।
परिवारका सदस्य, निजी सचिवालय, सुरक्षाकर्मीसहित झुले जानुभएका दाहालसँग नेकपा स्थायी समिति सदस्य अग्नि सापकोटा पनि हुनुहुन्थ्यो ।
शनिबार मध्याह्नदेखि आइतबार बिहानसम्म उतै बस्नुभएका अध्यक्ष दाहाल फर्किनुभएपछि प्रधानमन्त्री ओलीलाई भेट्न बालुवाटार पुग्नुभयो, करिब २ घण्टा त्यहीँ अलमलिनुभयो ।
ओलीले पुराना सहमति कार्यान्वयनमा चासो नदेखाएको निष्कर्ष निकाल्नुभएका दाहालको आइतबारको भेट पनि त्यही विषयमै केन्द्रित थियो ।
स्रोतका अनुसार ‘मिलिनियम चालेन्ज कर्पोरेसन ‘एमसीसी’ को परियोजनासम्बन्धी सम्झौतालाई संसद्बाट अनुमोदन गराउन तत्कालीन सभामुख महराले असहयोग गरेको भन्ने ओलीको अभिव्यक्तिप्रति पनि दाहाल सन्तुष्ट छैनन् । यो समाचार आजको कान्तिपुर दैनिकमा छ।
तपाईको प्रतिक्रिया