यस वर्षको तिहारमा करिव २५ लाख फूलमाला आवश्यक, साढे दुईलाख भारतबाट आयत गरिने (भिडियोसहित)

नारीकोसिस डटकम/निर्मला सापकोटा सन्जेल/कात्तिक ५, काठमाडौं । फूल आफैँमा सुन्दर हुन्छ । यसको महत्व सँधै उत्तिकै हुन्छ । अझ विशेष गरेर तिहारमा घरघरको झ्याल ढोकाहरु अनि भाईटिकामा दाजुभाइलाई लगाइदिने भएकाले सयपत्री र मखमली फूलको विशेष महत्व हुन्छ । त्यसैले तिहार फूलैफूलको पर्वको रुपमा पनि मानिन्छ। हिन्दु नेपालीहरुको दोस्रो ठूलो पर्वको रुपमा रहेको तिहार आउन केहि दिन मात्र बाँकी छ ।

वर्षेनी पर्व एवं उत्सवका क्रममा प्रयोग हुने सयपत्री फूलको लागि सधैं भारतको भर पर्नुपर्छ। तिहारमा मखली फूलको तुलनामा सयपत्री फूलको बढी खपत हुन्छ । त्यसैले नेपालको उत्पादनले मात्र उपभोक्ताको माग पूरागर्न नसक्ने भएकाले यस वर्ष पनि तिहारमा सयपत्री फुलमाला भारतबाट नेपाल आयत हुदैछ ।

गत वर्षको तथ्याङ्क अनुसार यस वर्षको तिहारमा करिव २५ लाख फूलमाला खपत हुँदैछ । जसमध्ये ७ लाख मखमली र १८ लाख सयपत्री फूल खपत हुने अनुमान गरिएको फ्लोरिकल्चर एसोसिएसन नेपाल (फ्यान) का अध्यक्ष कुमार कसाजु श्रेष्ठले बताउनुभयो । उहाँका अनुसार मखमली फूल नेपालको उत्पादनले पूर्ति हुन्छ भने र साढे पन्ध लाख सयपत्री नेपालकै उत्पादन हुन्छ तर भने करिव साढे दुईलाख अपुग हुनेभएकाले भारतवबाट आयत हुँदैछ ।

तिहारलाई लक्षित गरी फ्लोरिकल्चर एसोसिएसन नेपाल (फ्यान) ले आयोजना गरेको “गोदावरी फूलको प्रतियोगितात्मक प्रदर्शनी २०७६” मेला सोमवार मात्र सम्पन्न भएको छ ।

शुक्रवारदेखि ललितपुरको जावलाखेल मैदानमा शुरु भएको १३ औं पुष्प मेलाबाट करिव ५० लाख बरावरको कारोवार भएको छ ।

आयोजकले ३५ हजार दर्शकले अवलोकन गर्ने र ५० लाख बराबरको कारोबार गर्ने लक्ष्य लिएको थियो र सो लक्ष्य पुरा भएको अध्यक्ष कुमार श्रेष्ठले जानकारी दिनुभयो ।

अध्यक्ष  श्रेष्ठका अनुसार पुष्प व्यवसायको प्रवद्र्धन र विस्तारको लागि आयोजना गरिएको र व्यवसायहरुले उत्पादन गरेको उत्पादित बस्तुहरु उपभोक्ता विच परिचित गराउनुका साथै व्यवसायहरु विच प्रतिस्पर्धा गर्न सो मेला आयोजना गरिको हो ।

साथै नजिकिदै गरेको तिहारमा खपत हुनेफुलमालाको लागि उपभोक्ताहरु भौतारिनु नपारोस् भन्नाका लागि र एकैपटक धेरै नर्सरीहरु भिजिट गर्ने अवसरको लागि सो मेला आयोजना गरिएको उहाँको भनाई थियोे ।

यसवर्षको मेलामा विभिन्न मुलुकबाट माउबोटका रुपमा आयात गरी उत्पादन विस्तार गरिएका करिब १६ नयाँ प्रजातिका गोदावरी फूलसमेत प्रदर्शनीमा राखिएको थियो ।

तिहारको समयमा बजारमा सयपत्री र मखमली फूलहरुको माग बढ्ने भएकाले सम्बन्धित निकायले व्यवसायीक फुलखेती गरेका किसानहरुले गरेका व्यवसायको उच्च मुल्याङ्कन गर्दै उनीहरुलाई प्राविधिक ज्ञान, सिप र तालीमको व्यवस्था गर्ने हो भने नेपाल फुलमा आत्मनिर्भर हुने सम्भावना देखिन्छ।

(भिडियो)