विशेष स्कुल तथा पुनस्थापना केन्द्रको भवन शिलान्यास (भिडियोसहित)

नारीकोसिस डटकम/कात्तिक २६, भक्तपुर । विशेष स्कुल तथा पुनस्र्थापना केन्द्रको नयाँ भवनको शिलान्यास गरिएको छ ।
भक्तपुरको चाँगुनारायण–८, ताथलीमा सो केन्द्रले मंगलवार एक औपचारिक कार्यक्रम गरी भवनको शिलान्यास गरिएको हो ।
भवनको शिलान्यास प्रहरी महानिरीक्षक सर्वेन्द्र खनालले गर्नुभएको थियो ।
सो भवन निर्माणको लागि ४ करोड ७५ लाख लागत लाग्नेछ ।
सो भवनको लागि हालसम्म आर्थिक सहयोग मिसन रिविल्ड नेपालले ४० लाख, एन. आर. एन. ए. ले ३० लाख र विभिन्न व्यक्तित्वहरुबाट १ लाख ८० हजार सहयोगको प्रतिवद्धता सहित गरी हालसम्म ७१ लाख ८० हजार रुपैया सहयोग जुटेको विशेष स्कुल तथा पुनस्थापना केन्द्रकी संस्थापक अध्यक्ष सविताले जानकारी दिनुभयो । साथै उहाँले भवन निर्माणको लागि धेरै लागत लाग्ने भएकाले भवन निर्माणमा आर्थिक तथा एउटा इट्टा थपेर सहयोग गरिदिनुहुन सम्पूर्णमा अनुरोध गर्नुभएको छ ।
नयाँ बन्न लागेको सो भवन अन्तरगत रिर्सच सेन्टर, ट्रेनिङ सेन्टर, स्कुल खेल मैदान सहितको बन्नेछ ।
संस्थापक अध्यक्ष उप्रेतीका अनुसार करिव २ वर्षको अवधिमा सो भवन निर्माण कार्य सम्पन्न हुनेछ ।
सो स्कुल विगत ९ वर्ष देखि काठमाडौंको पेप्सीकोलामा भाडामा संञ्चाति छ ।
यो स्कुल निर्माणपश्चात विशेष गरी अटिजम भएका वालवालिकाहरु अटिजममैत्रीपूर्ण वातावरणमा शिक्षा हाँसिल गर्न पाउनेछ ।
तपाईको प्रतिक्रिया