पूर्वमन्त्री तामाङद्वारा विद्युतिय मिटरबक्स वितरणः अव घ्याङफेदीका जनता विद्युत प्राधिकरण धाउनुनपर्ने
नारीकोसिस डटमक/मंसिर ५, नुवाकोट । जिल्लाको दुप्चेश्वर गाउँपालिका वडा न.१ घ्याङफेदीमा बिद्युत लाईन बिस्तार तथा मिटर बक्स वितरण गरिएको छ ।
बुधावार घ्यावरमा एक औपचारिक शिविर कार्यक्रम मार्फत एक सय घरधुरीलाई मन्त्री एंव सांसद तामाङले विद्युयित मिटर बक्स वितरण गर्नुभएको हो ।
दुई वर्ष अघि हेलिकोप्टर मार्फत घ्याङफेदीमा ट्रान्सफर्मर पु¥याएर दुर्गमबस्तीका बासिन्दालाई विद्युत सेवा उपलब्ध गराउने कार्यक्रम अघि सारिएको थियो ।
सोही कार्यक्रम अन्तरगत विद्युत विस्तारपश्चात घरमा जडान गर्ने विद्युतिय मिटरबक्स लिन विद्युत प्राधिकरणको कार्यालय कोलनी पुग्नुपर्ने झण्झट स्थानीय जनताले भोग्दै आईरहेका थिए ।
सो झनझन हटाउन गाँउमै शिविर मार्फत उपभोक्तालाई दुई हजार एक सय पचास रुपैयाँमा सो सेवा पु¥याएको गाउँपालिकाका अध्यक्ष योबिन्द्रसिंह तामाङले बताउनुभयो ।
विद्युत बिस्तार तथा घरघरमा मिटरबक्स जडानपश्चात जिल्लाकै अति दुर्गम गाउँका रुपमा रहेको सो गाउँका स्थानीय जनताले केही हदसम्म राहत महशुस गर्नेछन्।
तपाईको प्रतिक्रिया