उपनिर्वाचनको मौन अवधि आज रातिबाट सुरु

नारीकोसिस डटकम/मंसिर ११, काठमाडौं । आगामी शनिबार हुने उपनिर्वाचनको मौन अवधी आज रातिबाट सुरु हुँदैछ ।
कास्की–२ को प्रतिनिधिसभा, तीन वटा प्रदेशसभा र स्थानीय तहका गरी ५२ पदका लागि आगामी शनिबार हुने उपनिर्वाचनको लागि आज रातिबाट मौन अवधि सुरु हुन लागेको हो ।
सो निर्वाचनमा स्थानीय तहअन्र्तगत उपमहानगर प्रमुख एक, अध्यक्ष तीन, उपाध्यक्ष एक र वडाअध्यक्ष ४३ पदका लागि पनि उपनिर्वाचन हुँदैछ ।
उपननिर्वाचनमा १ सय १ दलले भाग लिँदै छन् । प्रतिनिधिसभा सदस्य तथा प्रदेश सभा सदस्यमा ९५ दल र स्थानीय तहमा ७८ दल सहभागी छन् ।
२०७४ को निर्वाचनपछि थपिएका १६ हजार २ सय १९ मतदाताले उपनिर्वाचनमा मतदान गर्न पाउनेछन् । उपनिर्वाचनमा मतदाताको संख्या ४ लाख ५४ हजार १ सय १४ छ ।
मतदानका लागि २ सय ४७ मतदान स्थल र ५ सय ३७ मतदान केन्द्र तोकिएका छन् ।
तपाईको प्रतिक्रिया