मौसमः उपत्यकाको तापक्रम शून्य डिग्रीसम्म पुग्ने मौसमविद्को अनुमान
नारीकोसिस डटकम/मंसिर १३, काठमाडौं । देशभर चिसो बढेसँगै काठमाडौँ उपत्यकाको तापक्रम घट्दो छ । गत बुधबारदेखि उपत्यकाको तापक्रम दैनिक दुई देखि तीन डिग्री सेल्सियसले घटिरहेको मौसम पूर्वानुमान महाशाखाले जनाएको छ ।
मौसमविद् प्रतिभा मान्नधरका अनुसार तापक्रम घटेर चिसो बढ्नु कुनै नयाँ प्रणालीको प्रभाव नभइ मौसमी कारण भएको हो । “डिसेम्बरदेखि जनावरी २० सम्म निरन्तर तापक्रम घट्दै जाने छ”, उहाँले भन्नुभयो, “आज काठमाडौँ उपत्यकाको तापक्रम यो वर्षकै कम सात डिग्री सेल्सियसमा झरेको छ, बिहीबार उपत्यकाको तापक्रम आठ दशमलव सात डिग्री सेल्सियस थियो ।”
अझै उपत्यकाको तापक्रम घटेर शून्य डिग्रीसम्म पुग्ने मौसमविद्को अनुमान छ ।
तपाईको प्रतिक्रिया