प्रधानमन्त्री ओलीद्वारा सागमा पदक जितेका नेपाली खेलाडीलाई भेटेर बधाई तथा पुरस्कार घोषणाको तयारी

नारीकोसिस डटकम/मंसिर २५, काठमाडौं । मंगलवार सम्पन्न १३ औं दक्षिण एसियाली खेलकुद (साग) मा पदक विजेता नेपाली खेलाडी, तिनका प्रशिक्षक र पदाधिकारीहरुलाई प्रधानमन्त्री केपी शर्मा ओलीले भेटेर आज बधाई दिने कार्यक्रम छ ।

भेटघाटका लागि उहाँहरुलाई प्रधानमन्त्री ओलीले बुधबार बालुवाटारस्थित निवासमा वोलाउनुभएकोछ । प्रधानमन्त्रीको सचिवालयका अनुसार भेटघाटको लागि दिउँसो सवा २ बजेको समय निर्धारण गरिएको छ ।

सो अवसरमा प्रधानमन्त्रीले खेलाडीहरुलाई सम्बोधन गर्ने र प्रोत्साहनस्वरुप पुरस्कारसमेत घोषणा गर्ने तयारी छ ।

साग प्रतियोगितामा ५१ स्वर्ण, ६० रजत र ९५ कांस्य पदक जित्दै नेपाल दोस्रो भएको छ । प्रधानमन्त्री ओली अस्वस्थ भएका कारण सागको उदघाटन र समापन समारोहमा सहभागी हुन पाउन्भएको थिएन । उहाँले समापन समारोहको दिन मंगलबार भिडियो सन्देशमार्फत् खेलाडीहरुलाई बधाई दिनुभएको थियो ।