भारी हिमपातका कारण डोल्पाका परिक्षार्थी प्रभावित

नारीकोसिस डटकम मंसिर २७, काठमाडौं । डोल्पाका उपल्लो र मध्य भागमा बिहीबारदेखि सुरु भएको हिमपातले वार्षिक परीक्षामा सहभागी परिक्षार्थी प्रभावित भएका छन् ।

हिमपात र बादलका कारण घाम नलाग्दा थुरथुर काप्दै विद्यार्थीहरु परीक्षामा सहभागी भएको लक्ष्मी माध्यमिक विद्यालय ठुलिभेरी नगरपालिकाका शिक्षक हरिश जोसीले बताउनुभयो ।

विद्यार्थी परीक्षामा लेख्न नसकेर हैरान भएको उहाँले बताउनुभयो । साना साना बालबालिका चिसोका कारण लेख्दा, लेख्दै रुने, कराउने गर्न थालेको उहाँको भनाइ छ । विद्यालयको प्राङ्गनमा आगो बालेर परीक्षा दिने काम भइरहेको शिक्षकले बताएका छन् ।