अत्याधिक चिसोका कारण विद्यालय बन्द
नारीकोसिस डटकम पुस २४, कञ्चनपुर । भीमदत्त नगरपालिकामा दुई दिनका लागि सामुदायिक तथा संस्थागत विद्यालय बन्द गरिएको छ । अत्याधिक चिसोका कारण बालबालिकाको पठनपाठनमा समस्या देखिएपछि नगरपालिकाले दुई दिनका लागि विद्यालय बन्द गर्ने निर्णय गरेको हो ।
भीमदत्त नगरपालिकाको शिक्षा, युवा तथा खेलकुद शाखाले सूचना जारी गर्दै चिसोले विद्यार्थीलाई आवतजावत तथा पठनपाठनमा समस्या देखिएको भन्दै विद्यार्थीको स्वास्थ्यलाई आज र भोलि विद्यालय बन्द गर्न आग्रह गरेको छ ।
सोमबार रातीबाट भएको वर्षासँगैको शीतलहरका कारण कञ्चनपुरको जनजीवन प्रभावित भएको छ । चिसोका कारण सबैभन्दा बढी बालबालिका र वृद्धवृद्धा मर्कामा परेका छन् ।
यसअघि पनि अत्याधिक चिसो बढेपछि नगरपालिकाको बैठकले सञ्चित बिदाबाट घटाउने गरी पुस ३ र ४ गते दुई दिनका लागि बिदा दिएको थियो ।
तपाईको प्रतिक्रिया