तनहुँमा बस दुर्घटना : २ को मृत्यु, १८ घाइते
नारीकोसिस डटकम/पुस २५, काठमाडौं । तनहुँमा बस दुर्घटना हुँदा २ जनाको को मृत्यु भएको छ भने , १८ जना घाइते भएका छन् ।
घिरिङ गाउँपालिकास्थित कृष्ण मोटरमार्गमा शुक्रबार विहान भएको बस दुर्घटना भएको हो ।
पाल्पाको रामपुरबाट पोखरातर्फ आउँदै गरेको ग१ख ६१७५ नंको बस घिरिङ गाउँपालिका–३ स्थित थानीमाइमा अनियन्त्रित भई सडकबाट तल खस्दा बसमा सवार दुईको मृत्यु भएको प्रहरीले जनाएको छ ।
जिल्ला प्रहरी कार्यालयका प्रहरी नायब उपरीक्षक एवं प्रवक्ता लीलाराज लामिछाने अनुसार मृत्यु हुनेमा घिरिङ गाउँपालिका–१ बस्ने २० वर्षीया मुना थापा र घिरिङकै वडा नं ३ बस्ने ४२ वर्षीय नानीमाया गुरुङ रहेका छन् ।
थापाको घटनास्थलमै र गुरुङको पोखरामा उपचारका क्रममा मृत्यु भएको हो । घाइतेमध्ये १८ लाई उपचारका लागि पोखरास्थित मणिपाल शिक्षण अस्पताल पठाइएको प्रहरीले जनाएको छ ।
तपाईको प्रतिक्रिया