हरेक तिहारले हामीलाई
दीपावलीले सबैमा
उमङको लहर ल्याओस
फुलैफलको वहार जस्तै
मनभरी ढकमक्क छाओस
कागलाई
श्रद्धाको प्रसाद दिएझै
गाँईलाई लक्ष्मी मानि
सम्मानको माला भित्र लिएझै
हरेक तिहारले हामीलाई
श्रद्धा र सम्मानको अर्थ दिलाओस
गाँईलाई लक्ष्मी मानेर
पूँजा गरीरहदा
गोरुलाई गोर्वधन मानेर
पूँजाभरी रहदा
हरेक तिहारबाट हामीमा
समानताको शिक्षा पलाओस
फुलकामाला उनेर
घरका ढोका सजाएझै
आगन देखि चोटा कोठा
सफासुग्गर बनाएझै
हरेक तिहारले
मनका कोठा कोठा सजाउने
उत्साहा दिलाओस
दियोमा तेल भरेर
द्धिप बालिरहदा
अध्यारोलाई चिर्दै
उज्यालो पारीरहदा
हरेक तिहारले हामीमा
दियो भित्रको
तेल र बाति जस्तै बनि
जिम्वेवारी र कर्तव्यका
पाठहरु सिकाओस
निर्मला सापकोटा सन्जेल
तपाईको प्रतिक्रिया