विकास निर्माण कार्यले गति लियो ! गोठाटारका जनता उत्साहित….(भिडियो सहित)
निर्मला सापकोटा सञ्जेल/सुनिता तामाङ, काठमाडौं । आर्थिक वर्ष २०७४/०७५ मा विकास निर्माण कार्यले गति लिएको छ । कागेश्वरी मनोहरा नगरपालिका अन्र्तगत नौ नम्वर वडामा सडक विस्तार तथा मर्मत कार्यसँगै ढल निर्माण कार्य अघि बढिरहेको छ भने , फोहोरमैला व्यवस्थापन, खानेपानी लगायत आयोजनाहरु सम्पन्न गर्न प्रक्रिया अघि बढिरहेको सोही वडाका वडा अध्यक्ष कुन्दन खड्काले बताउनुभयो । “आर्थिक वर्ष ०७६/०७७ सम्म यस वडालाई धुलोरहित सडक बनाउ लागी परेका छौ, जसको लागि टेन्टरको कार्य अघि बढिसकेको अवस्था छ जस्तै सनसिटि निस्कने सडक, काँडाघारी प्रहरी चौकी सडक, विरेन्द्रचोक –लाउरेचोक सडक खण्ड निर्माण भईरहेको छ,साथै यी सडक खण्डखरुमा कालोपत्रे गर्न टेन्टर प्रक्रियाको काम अघि बढेको छ ।”
खहरे, गान्धिमोड हुँदै विरेन्द्रचोक जानेबाटो गत आर्थिक वर्षबाट सडक विस्तारको लागि सम्झौता भई निर्माणकार्य अगाडि बढेता पनि हालसम्म पूर्णरुपमा निर्माणकार्य सम्पन्न भएको छैन । जसले गर्दा स्थानीय जनताले धुलो, धुवाको सास्ती खेपिरहेका छन् । उक्त सडक खण्डमा छिट्टै कालोपत्रे हुने बताएता पनि कहिलेबाट काम सुचारु हुन्छ ..त्यो भने टुङ्गो लागिसकेको छैन । वडा अध्यक्ष खड्का बताउनु हुन्छ “गान्धि विरेन्द्रचोक करिव चार सय ४५ मिटरको बाटो सडक डिभिजन मार्फत गत आर्थिक वर्षमै टेन्डर भई अव केही दिनमा कालोपत्रे हुने अन्तिम चरणमा छ ।”
खहरे हाँतिडाँडा, मानटार हुँदै तेजविनायक चोक जाने मुख्य सडक खण्ड मानटार सम्म कालोपत्रे कार्य सम्पन्न भएको छ भने मानटारदेखि तेजविनायक चोकसम्मको करिव ४ किलोमिटरको मुख्य सडक खण्ड विस्तार तथा ढल निर्माण कार्य भईरहेको छ । जसले गर्दा स्थानीय जनता, पैदल यात्रु तथा स्थानीय व्यवसायीले केही असहज महशुुस गरिरहेका छन् तर स्थानीय जनता यी बाटो निर्माण कार्यप्रति सकारात्म पनि देखिन्छन् । त्यसैले बाटो छिटो सम्मपन्न होस् भन्ने उनीहरुको चाहना छ ।
गोठाटारमा मात्रै नभई अव्यवस्थित शहरीकरणका कारण उपत्यकामा भित्री सडकहरु मर्मत तथा विस्तारमा कठिनाई हुनु सवैको साझा समस्या हो । जसले गर्दा निर्माण कार्य सम्पन्न नभएसम्म अन्य शाखा बाटो प्रयोग गर्नुपर्ने बाध्यता हुन्छ । “पर्याप्तमा मात्र सडकको लेन्थ ठूलो नभएकोले एक साईड यातायात सुचारु गर्ने र एक साईड काम गर्ने अवस्था नरहेकोले अन्य शाखा बाटो प्रयोग गरी निर्माण कार्यमा सहयोग गर्न ” वडा अध्यक्ष खड्काको आग्राह छ । साथै विकास निर्माण कार्यजस्तो रातारात गरेर र भन्ने वित्तिकै नहुने भएकाले धुलोरहित सडकको लागि केही समय धैर्य गर्नुपर्ने पनि उहाँको भनाई छ ।
मुलपानी वावाचोक, तेजविनायकचोक, मानटारचोक हात्तिडाँडा, खहरे हुदै रत्नपार्कसम्म नियमित नेपाल यातायाता गुड्ने गर्दछ । तर हाल तेजविनायकचोक, मानटारचोकसम्मको मुख्य सडक खण्ड निर्माण कार्य भईरहेकोले नेपाल यायायात अन्य शाखाको वाटो हुँदै खहरे, पेप्सीकोला निस्कने गर्दछ ।वडा अध्यक्ष खड्काका अनुसार यी बाटोमा नियमित यातायात गुड्नको लागि अझै ६ देखि ७ महिना सम्म कुर्नुपर्नेछ ।
हाल अघि बढिरहेको विकास निर्माणको कार्य करिव पचास प्रतिशत सम्मपन्न भएको वडा अध्यक्ष खड्काले जानकारी दिनुभयो ।
यस नौ नम्वर वडा, नगरपालिकाको अन्य वडा मध्ये जनघनत्व र विकासको हिसावले अगाडि रहेता पनि जति विकास हुनुपर्ने हो त्यति विकास भएको अवस्था भने पक्कै होईन । तर यसरी विकास निर्माण कार्यले गति लिदै जाने हो भने नमुना वडा नहोला भन्न सकिन्न ।
भिडियो हेर्नका लागि तलको लिङ्कमा क्लिक गर्नुहोस् :
तपाईको प्रतिक्रिया