१०८ कन्याको पूजा कार्यक्रम सम्पन्न

मंसिर–१, काठमाडौं । सौगात मन्टेशवरी स्कुल, किर्तिपुर इनर ब्हिल क्लव र दिपश्री क्रियटिभ मिडियाको शहकार्यमा आयोजना गरिएको कन्या पूजा कार्यक्रम सम्पन्न भएको छ । कलंकी मैत्रीनगरमा अवस्थित इशानेश्वर मन्दिरमा आयोजना भएको उक्त पूजामा “सम्भव छ नेपाल” संस्थाले समेत सहकार्य गरेको थियो । सौगात मन्टेशवरी स्कुलले वर्षेनी रुपमा मनाउदै आएको उक्त कन्या पूजा यस वर्ष पनि १०८ जना कन्याको पूजा कार्यक्रम गरी सम्मपन्न गरिएको हो ।

विशेष गरी नेवारी समुदायमा कन्या पूजा गर्ने गरिन्छ । जसलाई कुमारी तथा जिवित देवीको रुपमा पूज्ने गर्ने गर्दछन् । तर यस कन्या पूजामा नेवार समूदायमात्र नभई अन्य समुदायको कन्याहरु सहभागी रहेको सौगात मन्टिश्वरीकी प्रिन्सिपल राज्य लक्ष्मी वैदारले बताउनुभयो । साथै यस पूजाबाट उनीहरुको सु–स्वास्थ्य दिर्घायूको कामनको लागि पनि विगत तिन वर्षदेखि सवै समुदायका नानीहरुको साथमा सामूहिक कन्या पूजागर्ने गरेको पनि उहाँले बताउनुभयो । कन्यालाई देविको रुपमा मानि रज्वश्वला अगावै यो पूजा गरिएमा लाभ हुने यो पूजाको धार्मिक मान्यता रहेको छ । उक्त कार्यक्रम कला संस्कृतिलाईलाई जगेर्ना गर्दै नारीप्रति सम्मानको भावना विकास गराउन र समाजमा सबै समुदाय विच एकतामा बाधी आत्मियता आदानप्रदान गर्न यो कार्यक्रम आयोजना गरिएको राज्य लक्ष्मी वैदारको भनाई छ ।

कार्यक्रमका प्रमुख  संयोजक, दीपश्री क्रिएटिभ मिडियाका निर्देशक एवं पत्रकार दिपक लामिछानेले यस प्रकारको धार्मिक कार्यलाई नेवारी समुदायमा मात्र सिमित नराखी सबै समुदायका नानीहरुलाई समेटेर जिउँदो देवीको रुपमा पुजा गरी उनीहरुको सुस्वास्थ्य र दिर्घायुको कामना सहित नारीको सम्मान गर्ने शुभ कार्यमा दीपश्रीले समेत सहकार्य गरि कार्यक्रम सफल बनाउन पाएकोमा अत्यन्तै खुशी व्यक्त गर्नुभयो ।

उक्त कार्यक्रमा स्थानिय वासिन्दा र आफ्ना नानीहरुको साथमा अभिभावकहरुले सहभागिता जनाई सभ्य र भव्यका साथ सम्पन्न भएसँगै यस कार्यक्रमले धार्मिक तथा सामाजिम एकतामा समेत सकारात्मक सन्देश दिनेमा आयोजकले अपेक्षा राखेको आयोजकले बताए ।